E Hoʻomaikaʻi ʻia ʻo Pēpēluali ʻo ia ka Mahina ʻŌlelo Hawaiʻi

09-Feb-2016

E paipai ana ka ʻOihana Hoʻonaʻauao o Hawaiʻi i nā kula a pau o ka mokuʻāina e hoʻomaikaʻi pū kākou iā Pēpēluali ʻo ia ka Mahina ʻŌlelo Hawaiʻi.

Photo Credit: Department of Education

​​​​​​​​​​​​​​​​​​​​​​ ​Click for English​​


E paipai ana ka ʻOihana Hoʻonaʻauao o Hawaiʻi i nā kula a pau o ka mokuʻāina e hoʻomaikaʻi pū kākou iā Pēpēluali ʻo ia ka Mahina ʻŌlelo Hawaiʻi. 

Ua hoʻoholo ka ʻAha ʻŌlelo pēia ma ka makahiki 2013.  No kēia hoʻohanohano ʻia ʻana o ka ʻōlelo Hawaiʻi, e hoʻomaopopo ana ka ʻOihana Hoʻonaʻauao i nā ʻohana e pili ana i ka Papahana Kaiapuni.  Nui loa ka holomua o nā Kula Kaiapuni a ua hoʻoulu ʻia kēia ʻano hoʻonaʻauao ʻana i papahana hōʻola ʻōlelo ʻōiwi ikaika loa i ʻike ʻia ma nā ʻāina a pau o ka honua holoʻokoʻa. 

"I kēia manawa, he 2,600 haumāna e aʻo nei ma o ka ʻōlelo Hawaiʻi, a he mau kaukani hou aʻe e aʻo nei i ka ʻōlelo a me nā loina Hawaiʻi i loko o nā papahana he nui hou aʻe e loaʻa nei ma loko o nā kula ʻē aʻe o ka mokuʻāina," i ʻōlelo ai ka Luna Hoʻonaʻauao ʻo Kathryn Matayoshi.  "Nui maoli ko mākou mahalo i nā hoa kākoʻo i kōkua iā mākou ma ka hāpai ʻana i kā ʻōlelo Hawaiʻi i ʻōlelo ia i aloha ʻia e kākou a pau."

Mālama ka ʻOihana Hoʻonaʻauao i ka Papahana Kaiapuni i loko o 15 kula mai ka Papa Malaaʻo a i ka Papa 12, mai Hawaiʻi a i Kauaʻi.  Aia nō hoʻi kēia papahana i loko o 6 kula hōʻāmana.  Mālama pū ʻia kekahi mau papahana ʻōlelo Hawaiʻi hou aʻe i loko o nā kula ʻē aʻe o ka mokuʻāina e hoʻokō ai i nā koina puka kula.  He helu pū ʻia kēia mau helu ʻai i koina ʻōlelo ʻelua e komo ai i nā kula nui mai ʻō a ʻō.  ​

No ka ʻimi ʻana i ʻike e pili ana i ke Keʻena Hoʻonaʻauao Hawaiʻi a me kēia mau papahana ʻōlelo Hawaiʻi, e komo i ka loulou pū​naewele kauʻāina e kaomi​

Contact Information

Donalyn Dela Cruz

Phone: (808) 586-3232

Email: donalyn_dela_cruz@hawaiidoe.org

2030 Promise Plan community feedback

How do I...?

Go

View all FAQ's

Tweets